CHAPTER 29

Palabas pa lang ng gate ng university si Tamara ay natanawan na agad ito ni Lorenzo. Mula sa prenteng pagkakaupo sa may driver's seat ay agad na siyang napalabas mula sa kanyang sasakyan.

Isinasara niya pa lang ang pinto ng kanyang kotse nang tuluyang makalapit sa kanya ang dalaga. Awtomatiko ang pagsilay ng isang ngiti sa kanyang mga labi nang makaharap niya ito.

"How was the exam?" usisa niya.

Isang malalim na buntong-hininga pa muna ang pinakawalan nito bago sumagot sa kanya. "Mahirap pero nakatulong naman ang pag-review ko nang ilang gabi."

Mula nga nang dalhin niya ito sa yate ni Romano at isuhestiyon na subukang mag-exam sa unibersidad na kinaroroonan nila ngayon ay nagsimula nang mag-review si Tamara. Kung iisipin ay maiikling sandali lang ang inilalaan nito para sa pagbabasa ng ilang impormasyong nakalap nito sa internet. Abala din kasi ito sa trababo sa kanyang kompanya, idagdag pa na ilang araw lang din ang pagitan bago sumapit ang araw ng pagsusulit nito.

Ngunit kumpiyansa