Kabanata 55

Isinantabi ni Lera ang bigat ng kan’yang loob nang marinig ang boses ni Ginang Juana sa hapag kainan. Ipinagpatuloy niya ang pagtimpla ng kape ni Lucas at gatas ni Arim.

“Ito na ang gatas mo baby Arim.”

Bumusangot si Arim nang marinig ang tinawag sa kan’ya ng ina. Nagkamot ito ng ulo.

“Mama, hindi na po ako baby. Big boy na po ako.”

Nagkatinginan si Lera at Lucas. Sabay pa silang napangiti nang marinig ang sinabi ng anak, maliban kay Ginang Juana na hindi maitimpla ang mukha.

“Don’t grow up too fast, Arim,” sabi ni Lucas na sinalinan pa ng pagkain ang anak sa plato.

Ipinagpapasalamat niyang narito ang anak kun’di ay magiging mabigat ang hangin sa pagitan ni Lera at ng kan’yang ina.

“You’re always my baby boy, Arim.” Matapos sabihin iyon ay inilapag ni Lera ang tasa ng kape sa harapan ni Lucas. Hindi ito ang unang beses na ipinagtimpla siya nito ng kape