Kabanata 54

“Ipinapaalala ko lang po sainyo Ginang Juana, ako ang nagbayad ng mga utang ninyo kaya nga nagkalakas ka ng loob para umuwi ng Pilipinas.”

Batid ni Lucas ang namumuong tensyon sa pagitan ng kan’yang ina at ni Lera. Ibinigay niya sa katulong ang tulog ng si Arim. Bahagya niyang pinandilatan ng mata si Lera. Hindi niya nagugustuhan na sumagot pa ito sa kan’yang ina.

“Mom, Lera’s here for Arim,” saad niya.

Pagak na tumawa ang ginang. Wala talaga itong utang na loob. Hindi kayang magpakumbaba kailanman.

“Sinasabi ko na nga ba, nagkunwari ka pa na nais mong tulungan ang mga magsasaka dito sa Sta. Ignacia pero ang totoo nais mo lamang na malugmok kami upang walang kahirap-hirap mong mabawi ang aking apo.”

Gustong palakpakan ni Lera si Ginang Juana, masama talaga ang tumatakbo sa utak nito dahil maging ang kan’yang plano ay nahulaan nito.

“Hindi po ako kagaya ninyo na sinasamantala a