Kabanata 13

“KEN, SINO iyang kausap mo?”

Kalalabas ko lang mula sa isang kuwarto matapos kong magpalit ng damit nang mapansin kong may kausap sa cell phone niya si Ken. Napansin ko kasing medyo seryoso iyong mukha nito habang may kinakausap sa kabilang linya. Nilingon niya ako sandali saka pinatay ang tawag.

“Nothing,” saad pa niya pagkatapos ay mabilisang inilagay sa bulsa ng kaniyang sweat pants ang cell phone niya.

“Ganoon ba?” Lumapit ako sa kaniya habang inaayos pa ang pagkakatuck ng puting t-shirt sa paldang suot ko. “Papasok na ako maya-maya. May pinaaabot din kasi iyong principal ng San Carlos sa Dean ng educ . . . baka importante.”

“Papasok ka nang ganiyan ang suot mo? Papayagan ka ba ng mga guwardiya?”

“Oo?” may pag-aalinlangang sagot ko. “ . . . maiintindihan naman siguro nila kung bakit ganito ang kinahinatnan ko. Hindi ko naman ginusto ito.” Naupo ako sa kulay itim na sofa na naroon malapit sa likuran ni Ken. Nakatalikod siya sa akin ngayon.

“Ikaw ang bahala,” simpleng sagot niya sa a