Chapter 4: Pissed Off

Josh Rain Montez

Mabilis kong nasalo ang ipinasang bola sa akin ni Ramil at agad ko naman iyong itinira sa basketball ring. And as expected, pasok na pasok at walang mintis ang laro ko ngayong araw.

“Whoa! Napakagaling mo talaga papa Josh!” nakatawang pang-aalaska sa akin ni Ramil kasabay ng pag-apir nito sa akin. Natatawang napailing naman ako dito saka ako naupo sa bench namin dahil tumawag ng time-out ang head coach ng kabilang team.

Kinuha ko ang bottled water saka ininom ang laman no’n. At pagkuwan ay narinig ko ang pag-iingay ng cellphone ko mula sa loob ng bag ko. Kinuha ko iyon at nakita ko ang pag-appear ng pangalan ni Sissy—ang pinsan kong si Ate Rica, sa screen ng cellphone ko. At bago pa man magsimula ulit ang laro ay mabilis ko na iyong sinagot.

"Bakit—” Ngunit agad din akong natigilan nang bigla akong putulin ni Sissy mula sa kabilang linya.

"Where are you now?" mabilis nitong tanong sa akin.

"Why—”

"We're going to Laguna. Samahan mo kami," putol ulit nito sa akin.

"What?!" manghang tanong ko dito.

"Bilis na, Josh—”

"I can't. Nasa laro ako ngayon, Sissy," putol ko naman ngayon sa kanya.

"What time ang tapos?" she asked.

"Mamaya pa ito."

"Sige, hintayin ka na lang namin matapos." Basta may maisipan talaga siya ay gagawin niya.

"Seriously, Sissy? Kung may pupuntahan ka, sa boyfriend mo ikaw magpa-drive," protesta ko sa kanya.

"Busy nga iyon sa pag-iipon para sa future namin," tugon niya sa akin.

Napapalatak naman ako. "Baka busy sa ibang babae kamo," pang-aasar ko sa kanya.

"Shut up, Josh! Hindi iyon tulad ng kaibigan mong si Ramil, 'no," asar na tugon niya sa akin na siyang ikinatawa ko na lang din dahil nadamay na ngayon ang walang kamalay-malay na si Ramil.

"Sige na, Sissy. Maghanap ka na lang ng ibang magda-drive sa inyo.  Balik na ako sa game namin—”

"No, Josh! Hintayin ka namin," giit na naman niya sa akin.

"Come on, Sissy. Hindi lang ikaw ang may kaibigan. After this game ay may pupuntahan din kami nina Ramil—”

"Kasama ko si Aika ngayon," putol niya sa akin na siyang bahagyang nagpatigil sa akin. “May pupuntahan kami sa Laguna at pagkatapos ay dadaan na din tayo kay Yannie,” saad pa ni Sissy sa akin.

“Y-Yannie?” tanong ko dito saka ko naalala 'yong babaeng palaging ikinukwento niya sa akin. Iyon 'yong babaeng nakilala niya noong nag-attend siya sa public press conference ng 4SBLUE niya. At hanggang ngayon ay kinukulit niya ako tungkol sa babae na iyon.

“Yes, si Yannie. Nasabi ko na sa kanya na pupunta tayo sa kanya,” wika ni Sissy sa akin.

Hindi ko na nagawang makasagot pa kay Sissy dahil agad na akong pinabalik sa game. Kaya naman mabilis ko na lamang na tinapos ang tawag namin saka ako tuluyang bumalik sa laro. Maganda ang naging laban namin nang araw na iyon at sa huli ay kami ang nanalo. Hindi ko din kasi alam kung bakit bigla akong mas ginanahan na maglaro matapos kong malaman na nandito na si Aika ngayon.

“Congrats, Josh!” bati at lapit sa akin ng dalawang hindi pamilyar na babae na nanood ng laro namin kanina.

Ngumiti ako sa mga ito saka tipid na sumagot. “Thanks.” At nang akmang hahakbang na ako paalis ay agad naman nila akong pinigilan.

“Wait lang, Josh. Para sa iyo pala,” sabi ng isang babae sabay abot ng isang cake na nasa box sa akin. “Ako mismo ang nag-bake niyan para sa iyo. Kaya sana ay magustuhan mo,” matamis na nakangiting sabi nito sa akin.

“Oh, thank you,” tugon ko dito saka ko tinanggap ang inaabot niya sa akin. May maliit na card doon at binasa ko ang pangalan na nakalagay doon. “Bam,” saad ko saka ako ngumiti dito. Kumislap ang mga mata nito habang naroroon pa rin ang matatamis na ngiti sa mga labi.

“Josh, tara na!” Napalingon kami kay Ramil na siyang tumatawag na sa akin palabas ng gymnasium.

“I have to go. Thank you ulit dito,” saad at paalam ko sa babae. Nakangiting tinanguan naman ako nito saka ako mabilis na tumalikod at tuluyan nang umalis.

“Sino ‘yon? Bagong chicks mo?” nakangising tanong sa akin ni Ramil pagkalapit ko dito.

“Gaya mo pa ako sa iyo,” tugon ko dito saka ko inabot sa kanya ang cake na ibinigay sa akin ng babae kanina habang nagpapatuloy ako sa paglalakad.

“Sa akin na lang?” tanong ni Ramil habang sumusunod naman ito sa akin. Hindi ko na siya sinagot pa at sa halip ay nagpatuloy lamang ako sa paglalakad patungo sa sasakyan ko. “Uy, Josh. Wala pa sina Byron—”

“Kayo na lang muna ngayon,” putol ko kay Ramil saka ako sumakay sa loob ng sasakyan ko.

“Huh?”

“Hinihintay kasi ako ni Sissy.”

“Pero nauna na ‘tong lakad nating ito. Sabihin mo kasi kay Ate Rica na sa boyfriend niya siya magpaistorbo,” reklamo ni Ramil.

“Sige na. Mayayari ako doon kapag naghintay ng matagal iyon.”

“Tsk. Ikaw talaga. Kahit kailan ay hindi mo natiis ang pinsan mong iyon.”

“Syempre. Alam mo namang para ko na ding kapatid iyon kahit na madalas na nakakarindi iyon,” natatawang tugon ko dito at sa huli ay tuluyan ko na ngang binuhay ang makina ng sasakyan. Nang makapagpaalam na ako kay Ramil ay mabilis na akong umalis.

Dumeretsyo muna ako sa condo para makaligo at makapagpalit ng damit. Malapit lang naman kasi ang condo ko sa university. Pagkatapos kong makapag-ayos ng sarili ay mabilis na din akong nagtungo sa lugar kung saan naghihintay sa akin si Sissy kasama si Aika.

Pagkadating ko naman doon ay unang nahanap ng mga mata ko si Aika na masayang nakikipagkwentuhan kay Sissy. Best friend ni Sissy si Aika, and to be honest, Aika is my first love and my ideal girl. Pero dahil sa best friend siya ni Sissy ay itinuring na din ako nitong best friend. Kaya naman hindi ko ito magawang pormahan dahil parang kapatid lang din ang turing niya sa akin. Tanggap ko naman ang bagay na iyon at ayaw ko din naman na masira ang mayroon kami. Kaya nga nagawa ko ding makipagrelasyon sa iba, pero lahat naman ng naging girlfriend ko ay minahal ko ng totoo.

Binusinahan ko sila saka ako nagbaba ng salamin ng bintana ng sasakyan at kinawayan sila. Agad din naman silang tumingin sa akin at mabilis na lumapit.

“Mas maaga ka pa sa inaasahan ko,” wika ni Sissy sa akin.

“Hi, Josh! Long time no see. Kumusta ka na?” nakangiting bati naman sa akin ni Aika.

“Hi, Patty! Kung hindi dahil sa iyo, hindi ko susunduin ngayon ang pinsan ko,” nakangiting sabi ko kay Aika na siyang ikinatawa niya at ikinasimangot naman ni Sissy. Nakasanayan kong tawaging Patty si Aika dahil sa pagiging cute at chubby nito.

Sumakay silang dalawa sa back seat kaya naman mas nagmukhang driver lang talaga nila ako.

“Ano bang gagawin niyo sa Laguna?” pagkuwan ay tanong ko sa mga ito habang nasa byahe na kami.

“Ihahatid natin si Aika doon,” tugon ni Sissy sa akin.

“Huh?” kunot-noong tanong ko.

“Doon kasi muna ako mag-iistay kina Aga,” this time ay si Aika na ang sumagot sa tanong ko. Aga is her boyfriend for two years.

“Bakit naman doon ka mag-iistay?” tanong kong muli dito.

“Bakit? Wala namang masama kung doon siya mag-stay kina Aga dahil boyfriend naman niya iyon, ‘di ba?” singit ni Sissy sa amin ni Aika.

“Yes, I know. Pero hindi ba at sa Manila ang OJT ni Patty? At mas okay kung sa iyo na lang siya mag-stay—”

“Eh bakit ka ba kasi nakikialam sa gusto ni Aika?” putol na tanong ni Sissy sa akin.

“Nagsasabi lang naman ako,” saad ko saka ko sila sinulyapan sa rearview mirror ng sasakyan. Galing Zambales si Aika, sa probinsya namin, at ngayon nga ay naririto siya para sa OJT niya sa Manila.

“Okay lang iyon, Josh. Ihahatid sundo naman ako ni Aga sa OJT ko,” nakangiting sabi ni Aika sa akin.

“Eh bakit hindi ka niya sinundo ngayon?” tanong ko dito na siyang bahagyang nagpatigil dito.

“Josh,” saway sa akin ni Sissy at pagkatapos no’n ay katahimikan na ang bumalot sa aming tatlo.

Dalawang taon ng boyfriend ni Aika si Aga pero hanggang ngayon ay mabigat pa din ang loob ko sa lalaki na iyon. Hindi dahil sa gusto ko kasi si Aika, kung ‘di dahil may kakaiba talaga akong pakiramdam sa lalaki na iyon. Na para bang hindi niya deserve si Aika.

“Sa Sta. Rosa muna tayo, ihatid muna natin si Aika,” pagkuwan ay sabi ni Sissy sa akin.

“Thank you, Rics huh, pasensya na at hindi ako makakasama sa inyo sa pagpunta kay Yannie,” ani Aika na siyang nagpaangat ng tingin ko sa rearview mirror upang tingnan sila doon.

“Kilala mo ‘yong Yannie?” takang tanong ko dito. Nilingon ako ni Aika saka ito ngumiti sa akin.

“Oo. Naikwento siya sa akin ni Rica noon pa,” tugon ni Aika sa akin. Tinapunan ko naman ng tingin si Sissy sa pamamagitan ng rearview mirror pa din.

“Wow. Gustong-gusto mo talaga ang babae na iyon?” manghang tanong ko naman kay Sissy.

“Yes. Gusto ko siya for you,” deretsyong sagot sa akin ni Sissy na siyang ikinasinghap at maliit kong ikinailing.

“Ako din, Josh! I like that girl for you,” nakangiting sabi naman ni Aika sa akin.

“How can you say that? Eh hindi mo pa naman nakikita at nakikilala ‘yon,” tanong ko dito saka ko na tuluyang ibinalin ang buong atensyon sa pagmamaneho at sa kalsadang tinatahak namin.

“Well, nakita ko naman na siya, sa pictures nga lang, but I can say na cute siya at mukha siyang mabait at matinong babae,” tugon sa akin ni Aika.

“Here siya oh. Look!” singit naman ulit ni Sissy sabay pakita niya sa akin ng cellphone niya. Napatingin ako doon at nakita ko ang picture doon ng babaeng pinipilit nila sa akin. Si Yannie. At ang unang napansin ko sa larawan niyang iyon ay ang mga mata niyang nakangiti din sa larawan. “She’s cute, right? She’s very simple at hindi mahirap mahalin. Malayong-malayo sa mga bitch na nagiging girlfriend mo,” dagdag pa ni Sissy sa akin.

Napalunok ako at agad ng nag-iwas ng tingin sa picture na iyon ng babaeng ibinibida nila sa akin.

“Try her, Josh. I think, she’s the one for you,” nakangiting sabi pa ni Aika sa akin na siyang bahagyang nagbigay naman ng kakarampot na kirot sa puso ko.

I like Aika, at tulad nga ng nasabi ko kanina ay siya ang first love ko at ang ideal girl ko. Isang tulad niya ang babaeng gusto kong seryosohin sa susunod na pagpasok ko sa relasyon. Pero sa unang pagkakataon ay ngayon lang siya nagtulak ng ibang babae ng ganito sa akin. Palagi siyang walang comment sa mga babaeng dine-date ko noon at sineseryoso. Kaya naman… hindi ko maiwasang hindi mapaisip tungkol sa Yannie na iyon. Ano bang mayroon sa kanya at bakit gustong-gusto siya ni Sissy? Na pati si Aika ay ipinipilit din siya sa akin.

Ilang sandali pa ang lumipas nang makarating na kami ng Sta. Rosa, sa apartment na tinutuluyan ni Aga. At nagulat kami nang wala man lang katao-tao doon.

“Alam ba ni Aga na ngayon ang uwi mo sa kanya?” tanong ni Sissy kay Aika.

“Oo, alam niya,” tugon naman ni Aika habang abala ito sa pagte-text sa cellphone niya.

“Eh nasaan na siya? Bakit wala siya dito? Alam naman pala niyang darating ka bakit siya umalis? Hindi ka na nga niya sinundo, hindi ka pa niya hinintay na dumating dito?” sunod-sunod na tanong ko kay Aika. Agad naman akong siniko ni Sissy upang sawayin sa mga sinabi ko.

“Manahimik ka nga dyan,” senyas sa akin ni Sissy. Hindi ko na kasi napigilan ang inis ko. Alam naman ni Aga na darating ang girlfriend niya pero wala siya dito?

Hindi sumagot si Aika sa akin. At sa halip ay balisa lamang siya na sinubukang tawagan ang numero ng kanyang nobyo. Pero bigo din siya dahil nakapatay daw ito. Lalo tuloy umusbong ang inis na nararamdaman ko. Napakagago talaga ng lalaki na iyon.

“Ang mabuti pa ay iwan niyo na ako dito. Darating din naman si Aga dito. Baka may biglaan lang na pinuntahan,” pagkuwan ay nakangiting sabi sa amin ni Aika. At habang pinagmamasdan ko siya na pinipilit na maging okay sa harapan namin ni Sissy ay mas lalo akong naiinis. Hindi niya deserve ang ganitong treatment ng lalaki. Hindi siya dapat binabalewala.

“Hindi kami aalis hangga’t hindi dumarating ang boyfriend mo,” malamig na sabi ko dito saka ko sila tinalikuran ni Sissy. Lumabas ako ng gate ng apartment saka ako naiinis na bumalik sa loob ng sasakyan ko.

Naghintay kami doon ng halos apat na oras at saka lamang dumating si Aga. Hindi ko pinakinggan ang naging dahilan niya dahil sa totoo lang ay gustong-gusto ko siyang suntukin sa mukha. Pero ang pinaka nakakainis lang ay nakangiti pa si Aika sa harapan nito na para bang ayos lang dito na pinaghintay siya ng ganoon katagal ni Aga.

Binuksan ni Aga ang unit niya saka niya mabilis na binuhat papasok sa loob ang mga gamit ni Aika. “Pasok muna kayo sa loob,” nakangiting alok pa nito sa amin ni Sissy.

“Naku, hindi na, Aga—”

“Hindi na,” sinapawan ko ‘yong sinasabi ni Sissy. “Nakita mo ba ‘yong oras? Babyahe pa kami pabalik ng Manila.”

“Josh,” mahinang saway naman sa akin ni Sissy.

“Ah ganoon ba? Pasensya na, Bro—”

“Hindi tayo magkapatid, huwag mo akong tawaging Bro,” putol ko dito saka ko sila tinalikuran at bumalik na ako sa sasakyan ko. Pero nang akmang sasakay na ako sa loob ay…

“Josh!” Nilingon ko si Aika na siyang naglalakad papalapit sa akin. “Pasensya ka na, alam kong naiinis ka dahil kay Aga. Sorry,” saad nito sa akin.

“Kailangan ba talagang magpatrato ka ng ganyan sa kanya?” malamig na tanong ko kay Aika.

“Mahal ko siya, Josh,” tugon naman niya sa akin.

“At siya? Gaano ka ba niya kamahal?” tanong ko ulit sa kanya.

Maliit siyang ngumiti sa akin. “Josh, kapag mahal mo ang isang tao, minsan mas nagiging mahalaga lang ang nararamdaman mo kaysa sa nararamdaman din nila sa iyo.”

“Anong klaseng pananaw ‘yan, Patty?” naiinis na tanong ko sa kanya.

“Maiintindihan mo ako kapag naranasan mo nang magmahal talaga ng todo. Na lahat kaya mong gawin para sa kanya. Na lahat ng chances ibibigay mo huwag lang siyang mawala sa buhay mo,” tugon niya saka niya tinapik ng marahan ang balikat ko. “Ingat kayo sa byahe and thank you ulit sa araw na ito. Sorry din dahil mukhang hindi na kayo matutuloy kina Yannie,” dagdag niya pa sa akin.

Maya-maya lang ay lumabas na din si Sissy at tuluyan na nga kaming umalis.

“Gabi na, sa susunod na lang tayo siguro dumaan kina Yannie, ‘no?” wika ni Sissy na siyang hindi ko pinansin. “Uy, Josh. Galit ka ba? Saan ka ba nagagalit? Kay Aga? O dahil hindi na tayo makakadaan kay Yannie?”

Naiinis ako kay Aga dahil ayaw kong nakikitang nababalewala si Aika. Pero sa halip na iyon ang sabihin ko ay iba ang naisagot ko kay Sissy. “Naiinis ako dahil hindi tayo makakadaan kay Yannie.”