CHAPTER 36 NAPHINTASH MALL

Nasa Naphintash Mall si Aliyah at katatapos lang bayaran ang lahat ng pinamili niya kaya nakahinga siya ng maluwag. Sobrang taas ng pila sa counter kaya sumakit ang mga paa niya sa kakatayo. Nagpalinga-linga siya para maghanap ng malapit na coffee shop, para doon na lang hintayin si Darlene ngunit iba ang bumungad sa paningin niya.

Kaya napangiwi siya, "Kapag minamalas ka nga naman. Kung sino pa ang ayaw mong makita. Ito pa ang laging nagpapakita." Na bulong na lang niya sa kawalan. Naglakad siya na parang hindi nakita ang babae. Ngunit ito ang lumapit sa kanya at binangga nito ang balikat niya.

"Ow! You… Sorry! Well, ang liit talaga ng mundo para sa ating dalawa. Sa wakas nagtagpo ulit ang landas natin! Wala ka yatang kasama ngayon?" Sarcastic na umpisa nito.

Hindi niya ito pinansin at nilagpasan niya lang ito.

"Hoy! Bruha ka! Kinakausap pa kita. " Hinablot nito ang braso niya.

"What the heck? Anong kailangan mo sa akin? Sino ka ba sa akala mo? Close ba tayo?" Nakataas kilay na tan