Chapter 28

Mabigat ang mga hakbang na pumasok si Arielle sa loob ng bahay niya at kasunod si Gun na seryoso naman ang mukha.

"Good evening, Ma'am Arielle. Ready ko na po ba ang dinner?" nakangiting tanong sa kanya ni Emma nang makasalubong niya ito sa sala.

Wala siya sa mood kaya hindi niya sinagot ang tanong ng maid niya. Nagtatakang sinundan na lamang siya ng tingin nito habang umaakyat siya sa hagdan.

"Anong nangyari kay Ma'am Arielle? May LQ na naman ba sila ni Gun?" narinig niya na tanong ni Laura kay Emma.

Nasa kalagitnaan pa lamang siya ng hagdan kaya niya narinig ang sinabing iyon ni Laura. Huminto siya sa pag-akyat at nilingon ang dalawang.

"Bodyguard ko lamang si Gun at never kaming magkakaroon ng relasyon kayo hindi mangyayari ang LQ na sinasabi ninyo, okay?" pinandilatan niya ang dalawang na parehong natahimik. Si Gun naman ay nakita niyang nakatayo malapit sa dalawang maid at nakatingin din sa kanya. Ngunit blangko pa rin ang mukha nito kaya hindi niya alam kung ano ang nasa isip n