Chapter 33

Pagdating sa bahay nila ay agad na pinagtatapon ni Tyron ang mga kagamitang nakikita ng kanyang mga mata. Galit na galit siya kay Arielle. Nasa mga kamay na niya ang tagumpay ay dumulas pa. Ngunit mas galit na galit siya sa bodyguard nito. Kung hindi dumating si Gun at iniligtas si Arielle ay wala na sanang magagawa ang babae. Siya na sana ang bagong CEO ng kompanya.

"Ano bang nangyari, Tyron? Bakit galit na galit ka?" nagtatakang tanong sa kanya ng ina niya.

"Ang walang hiyang babaeng iyon at ang bodyguard niya ay sinabotahe ang plano kong pag-angkin sa kompanya, Mom! Nasa mga kamay ko na ang tagumpay pero nakahulagpos pa!" Sobrang tindi ng galit na nararamdaman niya ngayon at kung nasa harapan lamang niya si Arielle ay tiyak pinagtangkaan niya ulit itong patayin.

"Sino ba ang tinutukoy mo, Tyron? Ang ex-boyfriend mo ba at saka iyong bodyguard niyang guwapo?"

"Sino pa nga ba, Tita? Ang dalawang iyon na nga at wala ng iba." Si Claire ang sumagot sa tanong ng ina ni Tyron. "Ngunit hin