Chapter 40

Hinawakan ni Arielle si Gun sa balikat at bahagyang niyugyog para magising.

"Gun. Wake up. Bakit dito ka natulog sa sala?" kausap niya sa natutulog na lalaki. Ilang beses niya itong niyugyog ngunit hindi talaga ito magising. Mukhang marami itong nainom kaya mahirap itong gisingin. "Bakit ka ba naglasing? Paano kung nagkataong pumasok ngayong gabi si Tyron at muli akong pagtangkaang patayin? Tiyak nagtagumpay na siya sa masamang plano niya sa akin."

Hindi niya mapigilan ang makaramdam ng inis. Ngunit hindi naman siya galit sa lalaki. Tumayo siya at chineck isa-isa ang mga bintana at pintuan kung naka-lock bang mabuti. Nawala ang inis niya nang makitang walang bintana at pintuan ang naiwang bukas. Siguro ay chineck ng mabuti ni Gun ang mga bintana at pintuan bago ito uminom ng alak.

Muli niyang nilapitan si Gun at niyugyog ng malakas ang balikat nito.

"Uuh." Isang mahinang ungol lamang ang itinugon nito sa kanya.

"Gun. Gising. Sa kuwarto mo ka matulog huwag dito. Malamig dito sa sala at