Chapter 47

"Baliw ka ba, Arielle? Bakit mo inalis si Gun bilang bodyguard mo?"

Tulad ng reaksyon ni Bret, ito rin ang naging reaksyon ni Kim nang malaman nito ang kanyang ginawa.

Nasa loob na sila ngayon ng isang bar dahil niyaya niya ang kaibigan na sumama sa kanya sa labas. Off duty si Kim kinabukasan, kaya tinanggap nito ang imbitasyon niya.

"Pero ayoko na ipagsapalaran niya ulit ang buhay niya para sa akin, Kim," sagot niya sa tono na hindi alam ang gagawin. Sobrang namimiss niya si Gun, pero ayaw niyang kontakin ito dahil kung makita niya ito o marinig ang boses nito, baka bawiin niya ang desisyon niya at ibalik si Gun bilang bodyguard niya.

"Maaasahan ba yung mga bagong bodyguard mo?" Nagtaas ng kilay si Kim nang sinulyapan ang tatlong pulis na bago niyang bodyguard. Nakaupo ang tatlo sa ibang mesa, umiinom ng beer habang masayang nagkukuwentuhan na para bang hindi sila naka-duty.

Hindi ko alam," sagot niya kahit alam na niya ang sagot. Sinulyapan din niya ang tatlong bodyguards niya. Umi