Chapter 52

Bahagya na lamang nanginginig ang katawan ni Arielle habang nakaupo siya sa loob ng kotse ni Gun. Hindi siya nakatanggi nang ipilit nitong sumakay siya sa kotse nito. Hindi niya inalam pa kung kotse ba iyon ng bagong boss nito o kotse ng girlfriend nito.

Mag-isa lamang siya sa loob ng sasakyan dahil saglit na lumabas si Gun. Hindi na siya nagtanong kung saan ito pupunta. Naging sunod-sunuran na lamang siya sa binata.

Makalipas ang mahigit limang minuto ay pumasok na si Gun sa loob ng kotse dala ang isang maliit na paper bag na may tatak ng isang sikat na drug store.

"Here. Drink this para kumalma ang sarili mo at tumigil ang panginginig ng katawan mo. You look terrified." Iniabot nito sa kanya ang isang maliit at malamig na bottled water.

Pakiramdam niya ay uhaw na uhaw siya kaya naubos niya ang laman ng bottled water. Tama nga si Gun. Medyo kumalma nga ang pakiramdam niya at lumuwag ang kanyang dibdib.

"T-Thank you," mahina ang boses na pasasalamat niya kay Gun. Nahihiya siya rito d