Chapter 57

Kahit malungkot ang mag-isa ay pinilit ni Arielle na makayanan iyon. Kahit natatakot siya na baka paglabas niya ng silid niya ay may taong naghihintay sa kanya sa labas para patayin siya ay pilit niyang tinatagan ang kanyang loob.

Tinawagan niya si Kim kung puwede siyang samahan muna sa bahay niya ngunit nasa malayong probinsiya pala ito at nagsasagawa ng medical mission. Wala siyang ibang tao na matawagan kaya lalo lamang siyang nakadama ng lungkot.

Dahil hindi siya makatulog kaya lumabas siya sa terrace para magpahangin at magpa-antok. Napakunot ang noo niya nang makita ang pamilyar na kotse na nakaparada malapit sa tapat ng gate ng bahay niya. Kinabahan siya nang matandaan niyang iyon din ang kotse na nakita niyang nakaparada sa tapat ng kotse niya kanina nang magtungo siya sa cellphone repair shop.

Siguro ay nagmamanman sa kanya ang sakay ng kotse na iyon at naghihintay lamang ng pagkakataon na makapasok sa bahay niya para patayin siya. Sa takot ay dali-dali siyang nagbalik sa lo