Chapter 58

"Arielle!!!" malakas na sigaw ni Gun habang tumatakbo siya palapit sa dalaga. Nang makalapit siya ay kaagad niya itong kinarga at dinala sa loob ng kanyang kotse. Halos paliparin niya ang kotse niya para lamang makaabot sa pinakamalapit na hospital. Pagdating niya sa hospital ay agad siyang sinalubong ng mga doktor nang makita ang kalagayan ni Arielle at itinakbo sa emergency room.

Habang nasa loob ng emergency room si Arielle ay abot-abot ang dasal ni Gun sa Diyos na sana ay iligtas nito ang buhay ng dalaga sa panganib.

Ilang beses din niyang sinuntok ng malakas ang dingding. Kung nakalapit lamang siya agad sa kanya. Kung nahulaan niya agad na may masamang balak pala ang matandang babae na iyon pati na rin ang lalaking nagpanggap na tumulong sa matandang babae ay hindi sana napahamak si Arielle.

Saka lamang siya nakaramdam na may masamang balak ang dalawang kaharap ni Arielle nang makita niyang palihim na nagkatinginan at nag-senyasan ang matandang babae at ang lalaki. Tumakbo siya