Chapter 61

Nakasuot lamang ng bathrobe si Claire nang lumabas siya sa terrace ng condo unit ni Tyron. Nakita niyang tahimik itong umiinom ng alak habang nakatingin sa malayo. Nilapitan niya ito at niyakap.

"What are you thinking, Babe? Bakit parang ang lalim ng iniisip mo?" Inamoy-amoy niya ang leeg nito at bahagyang idinikit ang kanyang ilong sa leeg nito. Intensiyon niyang buhayin ang pagnanasa nito. Napasimangot siya nang sa halip na mabuhay ang pagnanasa nito ay nainis pa ito sa kanya. "What's your problem, Tyron? Kahapon ko pa napapansin na ganyan ka. Kapag nilalambing kita ay umiiwas ka. Don't you like me anymore?"

Humarap si Tyron sa at huminga ng malalim. "It's not like that, Claire. Naisip ko lang ang taong nagpapapatay kay Arielle maliban sa atin. Mukhang mas malaki ang galit niya kay Arielle at marami siyang tauhan na kumikilos."

"Siguro malaki ang atraso ng pinsan ko sa kanya kaya ganoon na lamang ang pagnanais niyang mapatay si Arielle. Sayang nga lang dahil palagi siyang hindi nagt