Chapter 60

Katatapos pa lamang maligo ni Gun nang gabing iyon nang makatanggap siya ng tawag mula sa kaibigan niyang pulis na si Major Rex David. Ipinaalam nito sa kanya na nahuli na nito ang lalaking sumaksak kay Arielle. Dahil hindi siya puwedeng umalis sa bahay ni Arielle pagkat wala itong kasama sa bahay kaya sinabihan na lamang niya si Rex na dalhin sa bahay ng dalaga ang taong iyon.

Pagkatapos niyang makausap sa cellphone ang kaibigan ay binuksan niya ang kanyang app kung saan naka-connect ang monitor ng lahat ng mga CCTV sa buong bahay ni Arielle pati na ang loob ng kuwarto nito. Tanging ang bathroom lamang ng dalaga ang hindi niya kinabitan ng CCTV para may privacy ito.

Alam naman ni Arielle na may CCTV sa loob ng silid nito at hindi ito tumutol dahil para rin sa kaligtasan nito kaya niya iyon ginawa. Nang makita niya sa monitor na tila mahimbing na ang tulog ni Arielle ay kinuha niya ang kanyang baril na may silencer at pagkatapos ay lumabas sa kanyang silid para hintayin ang pagdating