Chapter 56

Sa loob ng isang malaking bahay ay may lalaking nakaupo sa wheelchair at nakatalikod sa lalaking kausap nito.

"Patawad, pero hindi ko nakuha ang cellphone sa bahay ng babaeng iyon, Boss," paumanhin ng lalaki na walang iba kundi ang taong nanloob sa bahay ni Arielle.

"Simpleng bagay pero hindi mo nagawa!" galit na sigaw ng lalaking nakaupo sa wheelchair. Ito ang lalaking nag-utos na patayin ang mag-asawang nakasaksi sa nangyaring aksidente sa mga magulang ni Arielle. At ang pagkatao ng lalaking ito ay misteryoso.

"Patawad, Boss. Kung nabigo man ako na makuha ang cellphone ay hindi ako mabibigo na patayin siya," pangako nito.

"Siguraduhin mo na sa pagkakataong ito ay hindi ka na mabibigo dahil kapag muli kang pumalpak ay ako ang papatay sa'yo. Maliwanag?"

"Yes, Boss!" mabilis na sagot ng lalaki bago naglakad palabas ng silid nang paika-ika. May iniindang sakit ito sa katawan dahil tinamaan ito ng baseball na hawak ni Arielle at nahulog pa sa hagdan.

Paglabas ng kanyang tauhan ay napakuy