Chapter 55

Nang magising si Arielle ay nasa loob na siya ng kanyang silid at nakahiga sa kanyang kama. Sa tabi niya ay nakaupo si Bret at Kim na puno ng pag-aalala ang mga mukha. Maging ang dalawang maid niya ay nasa loob din ng kanyang silid at nag-aalala rin sa kanya.

"Are you okay now?" nag-aalalang tanong sa kanya ni Bret, hinawakan nito ang isa niyang kamay at pagkatapos ay pinisil ng marahan.

"Ano ba kasi ang nangyari sa'yo?" wika naman ni Kim na nakaupo sa paanan niya.

Sa halip na sumagot ay napaiyak siya ng mahina. Masakit ang dibdib niya na may kasamang guilt. Dahil sa kanya kaya namatay ang mag-asawang Cabagan. Kung hindi sana niya pinuntahan sila at tinanong tungkol sa nangyaring aksidente sa mga magulang niya ay buhay pa sana sila t tahimik na naninirahan sa lugar nila. It's all her fault.

Hinayaan lamang siya nila na umiyak at ilabas ang anumang nagpapabigat sa kanyang dibdib. Ilang minuto rin siyang tahimik na umiyak. Ang iyak niya ay naging hikbi na lang hanggang sa tuluyan na si