Chapter 44

"Natakot ako sa bodyguard mo, girl. Akala ko ay uumbagin na niya ako kanina. Over makatingin. Parang gusto na niya akong lunukin ng buhay," exaggerated na wika ni Bret pagkasakay nila sa kotse nito. Sa kotse ng kaibigan niya siya sumakay dahil iniwan niya ang kotse niya para may masakyan si Gun pauwi sa bahay nito.

"Don't worry. Hindi namans siguro manununtok si Gun ng walang basehan," sagot niya sa kaibigan habang nakatingin sa labas ng bintana.

"Ano ba ang plano, Arielle? Bakit pinauwi mo siya sa bahay niya? Tama naman siya sinabi niya kanina. Kung hindi lamang isang grupo ang nagnanais na patayin ka ay baka ang isang grupo naman nakaabang na sa'yo paglabas mo ng hospital kanina? Nag-aalala lang naman sa'yo ang bodyguard mo."

Humugot siya ng malalim na buntong-hininga. "Aalisin ko na siya sa pagiging bodyguard ko, Bret."

"What? Are you crazy? Gusto mo na bang maagang mamatay?" nanlalaki ang mga matang komento ni Bret nang marinig ang sinabi niya. Nang hindi siya sumagot ay napabunto