Chapter 43

Pilit na pinipigilan ni Arielle ang pagtulo ng kanyang mga luha habang nilalapatan ng gamot ang sugat sa braso ni Gun. Sinisisi niya ang kanyang sarili kung bakit ito nasugatan. Masuwerte si Gun dahil nakailag ito sa hawak na kutsilyo ng lalaking umatake sa kanila ngunit paano kung hindi ito nakailag? Tiyak na malalim ang sugat nito at posible pa itong mamatay.

"After three days ay bumalik ka ulit dito para malinisan ulit ang sugat mo," bilin ng kaibigan niyang si Kim na siyang doktor na gumamot sa sugat ni Gun. "Remember, bawal munang basain ang sugat mo, okay?" paalala pa nito.

"Kailangan pa bang lagyan ng benda ang sugat ko? Hindi naman ganoon kalaki," tanong ni Gun sa tonong nagrereklamo.

"Kailangan iyan para hindi pasukan ng bacteria ang sugat mo," mabilis na sagot ni Kim. Pagkatapos nitong gamutin at lagyan ng benda ang sugat ni Gun ay nilapitan siya ng kaibigan niya't hinila papunta sa isang sulok. Iyong hindi maririnig ni Gun ang boses nila. "Malayo pa sa bituka ang sugat niy