Chapter 42

Nakapikit ang mga mata ni Arielle habang nagbibiyahe sila pauwi sa bahay niya. Nakapikit siya ngunit hindi siya tulog kundi nagtutulog-tulugan lamang. Nag-aalala kasi siya na muli siyang tanungin ni Gun kung bakit hindi siya nagising ng maaga kaninang umaga.

Buong maghapon ay apat na beses siyang tinanong ni Gun tungkol sa bagay na iyon at apat na beses din niya itong naiwasang sagutin. Hindi niya kung big deal ba sa kanya na sagutin niya ang tanong nito o pinagti-tripan lang siya nito. Baka nag-eenjoy itong makita siyang uncomfortable kapag nababanggit nito ang tanong na iyon.

Ang pagpapanggap niyang tulog ay hindi nagtagal nang maramdaman niya ang malakas na pagtama ng kung anong bagay sa likuran ng kotse niya. Kung hindi siya nakasuot ng seatbelt ay tiyak na nasubsob na ang mukha niya sa dashboard ng kotse.

"Ano iyon?" pabiglang tanong niya kay Gun. Napansin niya na seryoso masyado ang mukha nito at mahigpit ang pagkakahawak ng mga kamay nito sa manibela.

"Someone deliberately hit