Chapter 39

"Wow! You're very pretty and sexy, my friend!" Puri kay Arielle ni Bret nang hubarin na niya ang suit niyang bathrobe at tumambad sa mga mata nito ang suot niyang two-piece swimsuit na kulay yellow. "Kung hindi lang ako katulad mo ay tiyak na na-in love na ako sa'yo at niligawan kita," natatawang dugtong pa nito.

"Well, I'm so glad that we are the same kasi kung nagkataong tunay kang lalaki at nanligaw ka sa akin tiyak basted ka na agad," natatawang sagot naman niya.

"Ouch! Bakit naman? Is it because of him?" Pa-sekretong inginuso ni Bret ang kinaroroonan ni Gun.

Hindi na niya kailangan pang tingnan kung sino ang tinutukoy nito dahil wala namang ibang lalaking naroon sa paligid kundi si Gun lamang at pagbaba niya mula sa kanyang silid ay nakita na niyang nakatayo ang bodyguard niya malapit sa swimming pool.

"Yes," walang gatol na sagot niya.

"So ano ang score sa pagitan ninyong dalawa? May mutual understanding na bang nagaganap?" panunukso ni Bret.

Lumusong muna siya sa tubig at lumap