Chapter 38

"Hindi ko ini-expect na ngayon mo ako bibisitahin, Bret. Kahapon lang tayo nagkita tapos nandito ka na," nakangiting wika ni Arielle sa kaibigan matapos niya itong yakapin. Si Gun ang nagbukas ng gate nang mag-doorbell si Bret dahil parehong may ginagawa ang dalawang maid at nagkataong nasa labas ito, nagchi-check ulit sa paligid ng bahay niya. Palagi nitong ginagawa iyon ng ilang beses sa isang araw kapag nasa bahay siya. Anito ay mas mabuting makasigurado na walang taong kahina-hinalang umaaligid sa bahay niya.

"Of course, hindi tayo nakapag-usap ng maayos kahapon kaya binisita agad kita ngayon," nakangiting sagot ni Bret sa buo at baritonong tinig.

Mahina siyang natawa sa pagpapalaki nito ng boses. Nakasilip kasi sa bintana ang dalawang maid habang nakatingin sa kanila kaya ginawa nitong lalaking-laki ang boses. Nang sa gayon ay hindi mahalata ng dalawa at maging si Gun na nakatayo malapit sa kanila na binabae si Bret at hindi totoong lalaki.

Bahagya siyang dumukwang at inilapit a