Chapter 36

Hindi mapigilan ni Arielle ang makaramdam ng selos habang kausap ni Gun ang girlfriend nito na Amanda pala ang pangalan. Siguro ay todo paliwanag ito sa babae kung bakit sila magkasama ngayon dahil hindi pala alam ng girlfriend nito na pumasok sa kanya bilang driver-bodyguard si Gun. Ibig sabihin ay hindi ang ama ng babae ang boss ni Gun. Dahil kung ama ni Amanda ang boss ni Gun bago siya ay imposibleng hindi nito malaman na umalis na si Gun bilang driver ng ama nito.

Nakaramdam na siya ng pagkainip nang halos fifteen minutes nang nag-uusap si Gun at Amanda pero tila wala pa ring balak ang huli na pakawalan ang lalaki. Lumipas na tuloy ang gutom na naramdaman niya kanina. Wala na siya sa mood kumain kaya nagpasya siyang bumalik na lamang sa loob ng kotse.

Lalo siyang napasimangot nang hindi niya mabuksan ang pintuan. Nakalimutan niyang ini-locked pala ni Gun ang mga pintuan paglabas nila at hawak nito ang susi ng kotse niya.

"Arielle? Arielle Simpson?" Boses ng isang lalaki sa kany