Chapter 77

Hindi nagtagal ay dumating sa bahay ni Arielle si Gun. Ipang beses itong kumatok at nagmakaawa na buksan niya ang pintuan at kausapin niya ngunit hindi niya ito pinagbigyan. Siguro sinabi na ni Amanda kay Gun na alam na niya ang itinatago nitong sekreto kaya naman agad siyang pinuntahan nito para patuloy na bilugin ang kanyang ulo. Ngunit kung iniisip nito na paniniwalaan pa niya ang mga sasabihin nito ay nagkakamali ito. Pagod na pagod na siyang maniwala sa mga taong manloloko.

"Arielle! Please talk to me! Hayaan mo naman akong makapagpaliwanag!" patuloy na sigaw ni Gun sa labas ng pintuan. Tila hirap na hirap ang boses nito ngunit batid niyang bahagi lamang iyon ng drama nito maniwala siya at patuloy na mapaikot sa palad nito kaya hindi lumambot ang puso niya sa kanya.

Mula sa pagkakadapa sa sofa ay tumayo siya at lumapit sa tapat ng pintuan. "Umalis ka na, Gun. Ayaw na kitang makita pang muli. Magmula sa oras na ito ay pinuputol ko na ang anumang relasyon mayroon tayo. Kaya huwag n