Chapter 78

Nasa tapat na ng gate ng bahay niya si Arielle ay malakas pa rin ang tahip ng kanyang dibdib. Siguro ay alam na ng taong nagpapapatay sa kanya na wala na ulit siyang bodyguard kaya naman sinasamantala nila ang pagkakataon na maisakatuparan ang maitim nilang balak sa kanya.

Gusto man niyang mag-hired ng panibagong bodyguard ay natatakot siya. Baka ang makuha niyang bodyguard ay siya palang hired killer na papatay sa kanya.

Ilang minuto siyang nakaupo lamang sa loob ng kanyang kotse na para bang wala siyang balak na lumabas o di kaya ay ipasok sa loob ng gate ang kotse niya. Napaigtad siya sa kinauupuan niya nang bigla na lamang may kumatok ng malakas sa labas ng bintana mg kotse. Napakunot ang noo niya nang makitang ang pinsan niya.

"Ano naman kaya ang kailangan sa akin ng babaeng ito? Ang kapal ng mukha niya para magpakita pa sa akin," naiinis na bulong niya sa kanyang sarili bago kinuha ang kanyang bag at lumabas ng kotse.

"Hi, Arielle!" nakangiting bati sa kanya ni Claire na para b