Chapter 50

Alex's Pov

Parang may tambol sa loob ng aking dibdib sa sobrang lakas ng pagtibok ng aking puso habang naglalakad ako papasok sa gate ng malaking bahay ni Uriel. Sobra akong kinakabahan. Mahigit isang buwan ko siyang hindi nakita at wala rin akong balita sa kanya dahil iniiwasan kong magtanong sa kakambal ko kapag tumatawag siya sa akin. Way ko iyon para mabilis kong makalimutan ang nararamdaman ko sa kanya. Ngunit sayang lang pala ang effort ko na makalimutan siya dahil heto at papasok ulit ako sa buhay niya bilang substitute wife. Hindi ko naman magawang tanggihan si Alexa dahil nakikita kong desperada na talaga siya. Kaya isinantabi ko ang sarili kong damdamin para sa kanya.

Saglit akong huminto sa paglalakad nang malapit na ako sa may pintuan. Alam kong nakauwi na siya dahil nakagarahe na sa loob ng gate ang kanyang kotse. Huminga ako ng malalim para alisin ang kabang nararamdaman ko. Kinakabahan ako sa muli naming pagkikita ni Uriel. Nag-aalala ako na baka makahalata siya na hind