CHAPTER 80 (HER ALTER EGO)

RED’S POV

N A K I T A . . . niya ang pagtakas ng kulay sa mukha ni Trinity habang nakatingin ito sa grupo ng mga babaeng dumating.

“I thought people were just making up those weird stories about you, and yet here you are,” may pang-iinsultong sabi ng isa sa apat na babae.

Tiningnan nito ng may pandidiri at panunuya ang dalagang nasa likod ng kahera.

“Totoo nga ang chismis, hindi ka lang basta sumadsad sa lupa, naibaon ka pa sa putikan,” dagdag pa ng parehong babae na sinundan ng matitinis na tawanan ng mga kasama nito.

Sa tantiya niya, kung hindi pareho, ay hindi nalalayo ang edad ng mga ito kay Trinity.

“A-Ahm, Hi mga Mam! Excuse me po! Dito na po kayo sa’kin. I’ll help you with your orders,” agad na agaw n’ong kasama ng dalaga na nagngangalang Aldrin, sa atensyon ng grupo.

Binigyan nito ng nagpapaunawang tingin si Trinity bago binalingan ang mga customer na nagsimula ng magbigay ng kani-kanilang order.

Kita niya ang magkakahalong pagkaasiwa, hiya at kaba na nakaguhit sa mukha ng da