Chapter 79

Alexander Point of view

“Hindi mo pwedeng ilayo sa akin ang anak ko Samantha!” Matigas kong wika bago kinuha ang bata mula sa Yaya nito. Galit na sinugod ako ni Samantha at pilit na inaagaw nito sa akin ang aming anak. “Pinili mo na ang babaeng iyon kaysa sa amin ng anak mo! Kaya hayaan mo na kaming mag-ina na umalis dito!” Nanggagalaiti sa galit na sigaw nito sa akin, mahigpit kong hinawakan ang kamay nito upang hindi maabot ang braso ni Xian na ngayon ay umiiyak na sa takot. Ramdam ko rin ang pagbaon ng mga kuko ni Samantha sa aking balat ngunit hindi ko na alintana ang sakit mula roon.

“Kung gusto mo talagang umalis dito ay sa condo ko kayo tutuloy!” Matatag kong sabi ngunit mahigpit na tumutol ito at tulad nga ng hinala ko ay balak talaga nito na ilayo ang anak ko at sigurado ako na wala siyang balak na ipaalam sa akin kung saan sila titira.

“Iha, tama na, natatakot na ang bata sa inyo.” Nag-aalala na wika ng aking ina, saka ko lang namalayan na nakaalis na pala ang aking