Chapter 83

Mula sa malawak na salas ay tahimik na nakaupo ang buong pamilyang Aragon. Wari mo’y nagluluksa ang mga ito dahil kapwa matamlay ang lahat. Si Esmeralda na seryosong nakatingin sa center table, habang sa kanyang tabi ay nakaupo ang anak niyang si Patricia pati ang ama nitong si Lucio. Mula sa kabilang bahagi ng sofa ay si Gracia na mukhang wala sa kanyang sarili dahil nakatulala ito sa kawalan. Sa tabi nito ay ang kanyang asawa na abala sa sarili nitong cellphone. Sa sobrang abala ng lahat sa kakaisip kung ano ang dahilan ng biglaang pagpatawag sa kanila ng abogado ni Don Rafael ay hindi na nila napapansin ang labis na pagkahumaling ni Emanuel sa cellphone nito.

Tahimik lang na nakaupo si Rosario sa single sofa, kalmado man itong tingnan ay hindi mawari kung ano ang tumatakbo sa kanyang isipan.

“Excuse me po, naghihintay na sa loob ng library si Attorney.” Ani ng isang kasambahay na hindi man lang nila napansin ang pagdating ng abogado dahil halos lahat sila ay wala sa kanilang mga