Chapter 12

Ilang oras na ang nakalipas nagmula ng iwanan ako ni Jaxson dito sa silid niya.

Matapos akong magpalit ng damit na hiniram ko sa mga gamit ni Jaxson ay wala na akong sumunod na ginawa at tila ba nagmistulang isang bilanggo sa malaking kulungan na ito at nakatulala.

Hindi ko na rin nakita si Gunther pagkatapos ng nangyari kanina sa pool. Marahil ay nagpapahinga na rin siya dahil lumalalim na ang gabi.

Nabasag ang katahimikan ng umalingawngaw ang malakas na tunog galing sa ring tone ng telepono ko.

Halos mapatalon ako sa tuwa habang nagmamadaling hinahanap ito sa loob ng bag ko. Dahil baka kasi si inay na itong tumatawag.

Nang tuluyan kong makuha ito sa bag ay halos mapunit ang mga labi ko sa sobrang lawak ng aking mga ngiting sumilay ng sandaling makita ko ang pangalan ni inay sa screen.

Wala akong pinalagpas na segundo at agad na sinagot ang tawag.

“Hello, inay!”

Lumipad ang kamay ko sa aking bibig ng mapalakas ang boses ko dahil sa pagkasabik na makausap siya.

“Hello?” Muling ta