Chapter 15

“Sandali lang at titingnan ko kung ano ang pwede kong mailuto para sayo.” utas ko habang patuloy na kinakalkal ang pridyider na punong puno ng mga pagkain at karne. “Kung binitawan mo lang sana ako, e’di sana ay kumakain ka na ngayon.” Paglalabis ko.

Nang sa wakas ay makakita ako ng pamilyar sa akin na karne ay agad ko nang inilabas ang manok. Chicken soup na lang siguro ang ihahanda ko para sa kanya. Tapos ay magtitira ako at ilalagay sa ref para iinitin na lang sa umaga. Sayang naman kasi ang pagod ko kung madodoble pa ako sa pagluluto.

Mabuti na lang at sanay ako sa ganito. Kahit kasi nasa bahay si inay at kasama namin, mas pinipili ko na ako ang mag aasikaso sa kanila.

Nang makuha ko na ang mga sangkap ay sinimulan ko nang magluto. Habang itong malaking lalaki na ‘to ay hindi pa rin nawawala sa aking likuran.

Habang nagpapakulo ng tubig ay naisipan kong painumin na rin ulit ng tubig si Jaxson. Para kahit na papaano ay mabitawan niya muna ako. Para na kasi akong malalagutan ng hin