THREE

“Kaia?”

Umayos ako ng tayo dahil sa gulat. Nang makabawi ay dali-dali akong lumapit sa kaniya habang hila ang aking maleta. Tipid ko siyang nginitian ngunit nakatingin lamang siya sa akin na animo’y nakakita ng multo kaya’t hindi ko mapigilang mapakamot ng aking ulo.

May nagawa ba akong hindi maganda?

“U-Uh, Thalia po, Sir—“

“Kaia? What the fuck—“

“Thalia po,” pagtatama ko dahil mukhang hindi niya naintindihan ang pangalan ko dahil iba ang binanggit niyang pangalan. Itinaas ko ang aking kanang kamay at malapad siyang nginitian. “Thalia Esquivel po.”

Ilang beses siyang napakurap habang nakatingin sa akin at umawang ang mga labi. Wala sa sarili naman akong napalunok nang bigla siyang umatras habang nakatingin pa rin sa akin na para bang hindi siya makapaniwalang nakita ako. Kunot noo ko naman siyang tiningnan dahil doon. Sa pagkakaalam ko ay unang beses naming magkita buong b