TWO

“First time mo bang sasakay ng ferry, sissy?”

Nag-angat ako ng tingin at kabadong lumingon sa gawi ni Clara nang marinig ang tanong niya. Humugot ako ng malakas na buntong hininga at marahang tumango bilang tugon. “Nakakatakot bang sumakay doon? Takot ako sa bangka, e…”

“Alam mo, nakakatawa ka,” sambit niya at mahinang  tumawa habang umiiling. “Sino ba namang nakatira sa isla ang takot sumakay sa bangka?”

Umismid ako at kaswal na nagkibit balikat. “Eh sa nahihilo ako. Hindi ko nga alam kung paano nagtatagal si Tres sa laot. Nakakatakot kaya. Baka mamaya, bigla nalang lumubog o kaya madala ako ng hangin tapos malunod—“

“Sus! Kaka-nood mo ‘yan ng mga telenovela, sissy. Saka duh, pababayaan ka ba naman ni Tres na mahulog sa bangka o malunod? Mag-isip ka naman, please.”

Humaba ang nguso ko at napalabi na lamang dahil may point nga naman siya. Sigurado naman akong hindi ako pababayaan ni Tres kung