TWENTY FIVE

“Hala, kamukhang-kamukha nga siya ni Kaia!”

Pilit akong ngumiti nang marinig ang sinabi ng isa sa mga Tita ni Dylan. Hindi ko siya kilala pero unang kita ko palang, pakiramdam ko ay kapag nagalit siya sa akin, katapusan na ng mundo. Nakangiti siya sa akin pero nang magseryoso siya nang mukha ay parang mapapa-ihi ako sa takot.

“By the way, I’m Dylan’s aunt. I’m Nellie…” pagpapakilala niya at ini-extend ang kanang kamay. Agad ko naman iyong tinanggap. “It’s nice to meet you.”

Hindi ko alam pero nanindig ang balahibo ko sa simpleng ‘it’s nice to meet you’ niya. Totoo nga ang sinabi ni Brielle na nakaka-intimidate ang mga Fontanilla.

“And this my husband...” Lumingon siya sa tabi kaya’t maging ako ay napatingin din sa katabi niya. “This is Dwayne.”

Tipid kong nginitian ang ipinakilala niyang asawa ngunit sa halip na ngitian ako pabalik ay pinanliitan ako nito ng mga mata.