TWENTY SIX

“What did you two talked about?”

Bumalik ako sa realidad nang marinig ang boses ni Dylan. Mula kanina nang dumating kami rito sa Batangas ay ito ang unang beses niyang napagdesisyunang kausapin ako kaya’t hindi ko mapigilang lihim na mapasimangot. Isinama-sama ako rito tapos hindi naman pala ako kakausapin.

Kaswal akong nagkibit balikat sa tanong niya at sumandal sa kinauupuan ko. “Wala lang,” mahinang sambit ko at nag-iwas na ng tingin sa kaniya.

Naramdaman ko naman ang pag-upo ni Dylan sa tabi ko kung saan nakaupo kanina ang pinsan niyang si Iverson. Hindi na naman ako nagreklamo at hinayaan na lamang siya. Medyo lumayo lamang ako para magkaroon ng espasyo sa pagitan naming dalawa. Mahirap na… baka kung anong isipin ng mga tao kapag magkalapit kami.

Bumaling ang tingin ko sa tatlong magpipinsan na ngayon ay magkakasama na. Dumating na ang late na si Maurice Fontanilla at nag-uusap sila ni Da