Chapter 39

Third person point of view

Pagkatapos ng pag-uusap nila ni Brent ay bumalik siya sa kwarto ni Florence para tignan kung nagising na ito.

Dahan-dahan siyang naglakad palapit dito ng hindi inaalis ang tingin sa mahimbing at payapa nitong mukha.

Malapit na siya sa kinaroroonan nito ng biglang tumunog ang cellphone niya. Napatalon siya sa gulat at mabilis na kinuha iyon para tignan.

Bago niya sagutin ang tawag na galing sa kaibigan ay tinapunan niya muna ng tingin si Florence.

Nung masiguro na mahimbing pa rin itong natutulog ay maingat na naglakad siya palabas ng kwarto.

"Anikka's back!" Kaagad na bungad sa kaniya ng kaibigan, ni hindi na nag-abala pa na bumati.

Muli niyang naalala ang naging pagtawag ng babae na dating tinatangi.

"Yeah I know," mahinang sagot niya.

"Sabina's jealous-"

"And so is Florence," pagputol niya sa sasabihin nito. Natahimik ito kaya naman sasamantalahin niya iyon para kumpirmahin ang hinala niya. "Ikaw siguro ang nagsabi kung nasaan ako!" It wasn't a question,