The Wily Husband - Chapter 11

CHAPTER ELEVEN:

"YOU'RE really outrageous, Mr. Ravago!" bulalas ni Lorelei. Gumagapang ang kilabot sa kabuuan niya habang pinipilit bawiin ang sarili.

"You, too," salo ng lalaki. "Bakit 'Mr. Ravago' pa rin ang tawag mo sa akin?"

Umiwas siya ng tingin. 

"Tinatanggap mo na ako bilang suitor, hindi ba?" patuloy nito.

Hindi siya umimik. Nagpatuloy siya sa pag-iimis ng lamesa.

Nilapitan siya ng lalaki at hinawakan sa isang braso.

Nang mapahinto siya, sinapo ng mga daliri nito ang kanyang baba upang muling magtagpo ang kanilang mga paningin.

"Answer me, sweet woman," anas ng binata habang inaarok siya ng mga matang madidilim. "Payag kang umakyat ako ng ligaw sa 'yo, hindi ba?"

Pumiksi siya at umatras ng isang hakbang upang maikawala ang sarili mula sa pagkakapigil ng mahahabang daliri.

"O-okey," pahayag niya nang makaipon ng sapat na lakas ng loob, "you don't have to court me. I can be yours--now--without any fuss.