Chapter 31

Sa inis ko, hinablot ko sa kaniya ang ecobag saka nagmamadaling sinara ang pintuan ng condo upang hindi siya makapasok. Mabuti at hindi naman kumatok at nag-doorbell, dahil kung hindi ire-report ko na talaga siya sa security.

Gising na si Lucinda. Mukhang nakahanda na siyang mang-usisa kaso tinaasan ko siya ng kilay. Pero dahil likas na pakialamera at tsismosa ang babaeng 'to, hindi siya nakatiis.

"Nagpunta siya kagabi dito, nakiusap na papasukin ko. Syempre, sinabi ko na hindi puwede dahil magagalit ka." Ngumuso siya.

"Mabuti naman at hindi mo siya pinapasok." Nilabas ko ang laman ng ecobag. Sisimulan kong magluto dahil ilang sandali na lang magigising na si Heather.

"Hindi mo ba siya mapapatawad?"

Tumalikod ako at humarap sa kalan. Ininit ko ang kawali.

"Di ba, sinabi niya na mahal ka niya?"

"Di ba pangarap mo na mahalin ka niya?"

"Noon iyon, Lucinda. Ilang taon na ang lumipas. Nakalimot na ako."

"Nakalimot? Pero bakit hindi mo magawang tumingin sa iba?"

Umismid ako. "Bakit