TAYO NA LANG ULIT 8

Nagdasal ako pagkagising ko ng alas-kuwatro ng madaling araw. Maaga pa din akong nagising kahit puyat ako kagabi. Alas-dies na natapos ang ginagawa ko. Kapag wala si Sir Angus malamang natapos ko sana iyon agad.

Birthday ko ngayon. Eighteen na ako. Ibig sabihin ay ganap na akong dalaga.

Alas-siete na ng umaga nang matapos ako kaya dali-dali na akong naligo. Gising na din si Nanay, nagsusuka siya kaya inasikaso ko muna ang kakainin niya bago ako umalis.

"Happy birthday, Anak."

Nilabas niya mula sa kaniyang bulsa ang isang libong piso.

"Kapag maaga kang natapos sa mansyon, pumunta ka ng bayan para bumili ng damit mo, huh."

"'Nay, huwag na po." Nagtitipid at nag-iipon nga ako para sa kanila ng kapatid ko, e, tapos binigyan naman niya ako ng pera.

"Hindi, Anak. Birthday mo, e. Bumili ka ng bago mong tshirt saka pantalon. Bumili ka na din ng bago mong tsinelas, huh."

Mapilit si Nanay kaya kinuha ko na ang pera, pero wala naman akong planong ibili ito gaya ng gusto niya. Itatabi ko na