Chapter 13

PINUNTAHAN ni Liza sa kuwarto ang kaniyang mag-ama. Tahimik na si Samara at nagpapasuklay ng buhok sa daddy nito. Nakaupo ang mga ito sa kama. Nagtatawag na si Aniza upang kumain.

“Anak, baba ka na roon at kakain na. Maghugas ka ng mga kamay,” sabi niya sa bata.

“Opo, Mommy,” paos nitong sabi. Bumaba na ito ng kama at lumabas.

Tumayo na rin si Midnight. Inaasahan ni Liza na magso-sorry ito pero nilagpasan lang siya. Hindi niya ito hinayaang balewalain siya.

“Sandali,” pigil niya rito.

Huminto naman ito ngunit hindi siya hinarap. “What?” untag nito sa matigas na tinig.

Pumihit naman siya paharap dito. Talagang matigas ang pride nito. “Kapag kaharap mo si Samara, huwag kang bayolente. Hindi siya sanay na nasisigawan o may naririnig na nag-aaway. Madali siyang ma-offend,” aniya.

“I had lost control.” Pumihit din ito paharap sa kaniya. “I hate how Richard ruining Samara’s mind.”

“Alam ko, pero alam naman ni Richard ang limitasyon niya.”

“No, he doesn’t. Ipinipilit niya kay Samara