Chapter 14

LALONG pinag-initan ni Rita si Liza dahil sa sermong inabot nito kay Midnight. Naaawa rin naman dito si Liza pero sadyang may ugaling hindi kanais-nais ang babae.

Pagkatapos ng lunch break ay pinatawag siya ni Midnight sa opisina nito. Dinala na rin niya ang order nitong orange juice. Wala siyang ideya kung ano ang pakay nito sa kaniya pero kabado siya.

Nakaupo sa harap ng lamesa nito si Midnight nang datnan niya. May binabasa itong papeles. Maingat naman niyang inilapag sa lamesa ang tray kung saan nakapatong ang juice nito. Tumayo lang siya sa harapan nito at hinintay itong magsalita.

“Sigurado ka na ba sa desisyon mo?” tanong nito pero sa papeles pa rin ang tingin.

“A-Anong desisyon?” maang niya.

Nag-angat ng mukha ang binata at diretso ang tingin sa kaniyang mga mata. “About marriage.”

Natigagal siya, ilang sandaling umiikot lamang ang kaniyang diwa sa sinabi ni Midnight. Bumuntong-hininga siya upang maituon ang focus sa kausap.

“Uh…. oo. Para kay Samara,” tugon niya. Tipid