The Fake Wife - Chapter 20

CHAPTER TWENTY

     Panay ang yapos ng dalawang bata sa kapatid na panganay na matagal na nawalay sa paningin.

     Ilang linggo na siyang namamalagi sa condo. Siya ang naghahatid sa mga ito sa eskuwelahan at siya rin ang sumusundo. Kumbaga, bumabawi siya sa matagal na panahong hindi sila nagkikita.

     "Tutoo, Ate Cat? Talagang hindi ka na aalis nang madalas?" Paulit-ulit nang nagtatanong si John.     

     Ngunit hindi naman nagsasawa si Catherine sa pagtugon.

     "Oo naman," aniya. Nakangiti nang buong giliw sa dalawang kapatid. "May kaunting ipon na ako. At puwede na tayong magnegosyo nang maliit. Tutulungan n'yo ba ako?"

     "Aba, oo, ate!" ang maagap na tugon ni Polly. "Tutulong kami ni John sa 'yo. Basta't nandito ka lang palagi sa piling namin!"

     "Tama 'yan, ate!" dagdag ni John.

   &n