The Fake Wife - Chapter 19

CHAPTER NINETEEN

     "W-WALA siya dito?" bulalas ni Ruel.

     Umiling si Auntie Mina. Pormal ang tono at ang anyo nito. "Wala dito si Catherine, iho," ulit nito. "Halika. D'on tayo sa library. Naghihintay ang meryenda. Siguradong pagod na pagod ka sa biyahe."

     "Hindi naman," tugon niya, halos wala sa loob. Magmula sa Yachts' Club sa Manila Bay, ipinasundo siya ng tiyahin kay Mang Ped.

     Ipinilig niya ang ulo habang sinusundan ang maliit na hugis ng nag-iisang kamag-anak.

     Hindi niya maintindihan ang mga damdamin na nagsalimbayan sa kalooban nang malamang wala sa mansiyon ang babaeng impostor.

     "Catherine," sambit niya nang makabawi na naman ng wisyo. "Catherine ba ang pangalan niya?"

     Sumulyap sa kanya ang tiyahin. Nakangiti nang bahagya ang makipot na bibig. "Catherine Almonte, iho," anito habang tumatango. "M