The Fake Wife - Chapter 18

CHAPTER EIGHTEEN

     "I-ikaw na ang magbukas, Inday," utos niya sa kausap.

     Kahit na sabihin niyang imposibleng masundan siya ni Ruel dito, hindi niya magawang iwaksi ang takot.

     Si Auntie Mina ang dumating.

     Agad siyang yumapos sa matandang dalaga.

     "Oh, Auntie!" Hindi na niya napigil ang mapaiyak habang nakayupyop siya sa dibdib ng butihing babae.

     "Tahan na, iha," pang-aalo nito.

     "Salamat at dumating po kayo!" hikbi niya.

     "Huwag ka nang mag-alala, iha," dagdag ni Auntie Mina habang panay-panay ang paghagod sa kanyang ulo at likod. "Nandito na ako. Hindi kita pababayaan."

     Unti-unting huminto ang pagluha niya. "Oh, Auntie, hindi ko na po alam ang gagawin ko!"

     "Ano ba ang nangyari? Bakit bigla ka na lang umalis sa resthouse?"