CHAPTER 45

"Kung nasasaktan ka, nahihirapan ka, ganoon na rin ako!" boses ni Daniel.

Sinundan din pala siya nito.

Lumuwang nag pagkakayakap ni Christian kay Irish. Tumalikod siya. Tinignan niya ang Kuya Daniel niya. Napailing. Huminga ng malalim. Halatang marami pa sana siyang gustong sabihin pero nagpigil. Nilingon niya muna si Irish na noon ay humihikbi saka niya iniwan ang dalawa para mas makapag-usap.

"Doon ka na sa girlfriend mo, hayaan mo na lang ako!" hagulgol ni Irish.

"Pumanhik na si Janna sa kubo. Magpapahinga na raw siya at sinabi niyang sundan kita at gawin ang trabaho ko bilang PSG mo, bilang tagapagligtas mo."

"Bakit pa! Bakit ang hirap naman! Bakit ganito kasakit! Ikakasal ka na Daniel, paano ako? Paano tayo?"

Dahan-dahan siyang napasalampak sa puno ng isang saging. Kung sana nakikita lang ni Daniel ang pagdurugo ng puso niya, higit pa sa dami ng luha na bumabagtas sa kaniyang pisngi. Ang pintig nito ay higit pa sa bilis ng kaniyang paghikbi.

"I'm sorry. Gagawin ko ang lahat para