CHAPTER 46

“Nagdududa ka ba? Pinagdududahan mo ba ako?”

“Bakit? Wala bang kaduda-duda sa ginagawa ninyo?”

"Ako 'to, honey. 6 years mo nang boyfriend. Ni minsan ba nagawa kong magluko?”

“Hindi pa, pero baka ngayon lang.”

“Hon, Si Ma’am Irish ‘yan. Sa kanya ka pa talaga magseselos? Nakakahiya." Desperado niyang pagdadahilan. Kailangan niyang sabihin iyon. Bigla siyang kinabahan, pinagpawisan. Alam niyang may pagkaselosa ang fiancee niya ngunit ngayon lang siya muli nagiging ganoon at alam niya sa sarili niya na ngayon ay may karapatan naman talaga si Janna.

"Mabuti naman at alam ninyong nakakahiya. Sana naisip niyo din iyan bago kayo magyakapan at mag-iyakan sa may kadilimang bahagi ng sagingan. Kasi hindi ako tanga. Hindi ako boba. Hindi ako ang mang-aagaw rito. Hindi ang babaeng ‘yan ang biktima, ako. Walang siyang karapatang mag-iiyak na akala mo santa. Wala siyang karapatang mag-inarte ng ganyan dahil alam naman lahat ng buong bansa ang baho ng pagkatao niya!" Palabang tinuran ni Janna.

“Dahan