Kabanata 10: Runaway

ALIRA

MATAPOS niyang ibaba ang tawag ay nanghihina akong napaupo sa kama ko at napatulala. Hanggang ngayon ay nagsi-sink in pa rin sa akin ang mga sinabi ni Raya.

Baliw na siya, dahil sa pagmamahal niya kay Laxon ay nagkaganito siya. Masyado ang pagpapahirap ang ginagawa niya sa akin, alam kong iniipit niya ako sa mga oras na 'to.

"Makikipagkita ka sa akin o pareho kayong mamamatay ng anak mo."

Napapikit ako ng mariin at napahawak sa ulo ko. Ayokong kainin ng takot pero sa sinabi niya pa lang ay nanginginig na ang buong katawan ko, alam kong kaya niyang gawin iyon. Sa isang pitik niya lamang ay kaya na niyang kumuha ng buhay.

"A-ano bang kasalanan ko para pahirapan ako ng ganito," naiusal ko na lamang at napahawak sa noo. Kahit ayokong maistress dahil baka makasama ito sa sinapupunan ko ay nai-istress ako dahil kay Raya. Para bang tuwang-tuwa siya na pinaglalaruan ako.

Habang nakatulala sa sahig ay muli na naman tumunog ang cellphone ko pero hindi na ito tawag, isa na itong text at al