Chapter 37

Ava’s P.O.V

Dahil nasiraan ako ng sasakyan sa daan ay nag-commute na lamang ako patungong Fonteverde Corporation. Pagkababa ko ng sinakyan kong dyip ay tumakbo ako patungo sa pedestrian lane upang makatawid papunta sa kabila. Nang magpula ang ilaw na senyales na puwede ng tumawid ang mga tao sa bawat gilid ng kalsada patungo sa kani-kaniyang ruta ay sabay-sabay kaming nagsitawid. Pagkarating sa kabila ay lakad-takbo ako, lumiko ako. Ang harapan kasi ng kinatatayuan ng gusali ay nasa likod kung saan ako binaba ng sinakyan kong dyip kanina. 

Nang makarating sa harap ng gusali ay may iilang taong nakatumpok at tumitingin sa malayo. Napahinto ako at sinundan ko kung saan sila nakatingin at doon ay nakita ko si Mr. Fonteverde na may kaharap na matandang gusgusin. Binubulyawan niya ang matanda na aking ikinasingkit ng mga mata.