Chapter 36

Ava’s P.O.V

‘Life must go on’, ika nga. Kaya kahit marami na ang nagdaang unos ay tuloy lang sa pagsagwan sa buhay. Parang kailan lang ay waring ang bigat ng bawat paghakbang ko sa lupa, ngayon ay gumagaan na. Kahit papaano ay nakaya ko ring lampasan basta lapatan lamang ng tapang at tiyaga.

Nang malampasan ko ang trabaho sa umaga at trabaho sa gabi, ang malaking proyekto na ibinigay sa akin ni Mr. Fonteverde at ang sarili kong proyekto, ang pagkawala ng oras kay Herald, ang pangungulila kay Hera, at pumasok pa sa eksena ang hindi ko inaasahang katotohanan na darating sa akin at iyon ay ang malaman na magpinsan pala sina Jemuel at Mr. Fonteverde, na isa rin siyang Fonteverde. Ang lahat ng iyon ay parang sa isang iglap lang naganap. Nakagagaan ito sa puso lalo pa’t maayos na kami ni Jemuel ngayon. Sa kabila ng katotohanan na iyon ay mas lalong tumatag ang pagk