Chapter 35

Ava's P.O.V

Matapos kong hawakan ang kamay ng aking anak na iniabot niya sa akin ay lumabas kami ni Herald sa aming unit at tumungo sa elevator. Binuksan ko naman iyon nang pakiusapan ako ng aking anak na buksan ito.

“Mom, can you click the thirtieth floor?” turo ni Herald sa mga pindutan nang makapasok kami sa loob. Hinayaan ko na lang ang anak ko sa kung ano ang mga inuutos niya sa akin. Wala naman akong magawa dahil kahit ako ay gustong malaman kung ano ang mayro’n. Diniin ko ang hintuturo ko sa pindutan na may nakalagay na tambilang na ‘tatlumpu’. Ibig sabihin lamang nito ay patungo kami sa tuktok ng gusali. Nasa ika-siyam na palapag kasi naroroon ang tinutuluyan naming unit dito sa gusaling ito.

Nang tumunog ang elevator senyales na narito na kami ay bumukas ang dalawang magkasalubong na pinto nito. Kaagad n